ضايقتني هالدروس واشغلتني هالدفاتر ..!!!!

السلام عليكم ورحمه الله ~

صباحكم طهر وفرح ورضا ربي

ومسائكم بسمه وراحه من كل همي

,,

كلنا الحين داخلين بمرحله اختبارات وشايلين همها وكلنا نبي ننجح ونفرح كل اللي بحبونا ~

ياعسانا من اللي ينجحون دنيا وأخره .~

متوسط / ثانوي / جامعه ~ كلنا نخاف من الاختبار ونرتبك وأحيان ننسى أن فيه رب مع العسر واليسر معنا .!

كلها بس نرفع يدينا للسماء وندعي ياعسى مايحرمنا رضاه وتوفيقه في الآخره قبل الدنيا الزايله .~

**
أنا مااعرف أذاكر ودايم أتخربط وأذا خلصت مافي ولا معلومه ببالي ؟!

1- لما تجي تذاكر حاول دايم تختار مكان فيه أضاءه كثيره وأهم شي مو مكان نومك أو مكان مزعج أو فيه أداه تلهيك عن المذاكره .

2- افتح كتابك *وسم الله وتوكل عليه وقول [اللهم إني أسألك فهم النبيين، و حفظ المرسلين، و الملائكة المقربين،
اللهم اجعل ألسنتنا عامرة بذكرك، و قلوبنا بخشيتك،
و أسرارنا بطاعتك، إنك على كل شيء قدير،
حسبنا الله و نعم الوكيل.]

3- وأبد ذاكر وبجنبك كشكول وكم قلم سجل التعاريف بورقه والتعاليل بورقه واي شي مهم دونه بترتيب .

4- لاتنضغط وتصك على نفسك بين كل ساعتين ارتاح شوي عالاقل خمس دقايق .

5- حاول تستخدم في مذاكرتك نظام الخريطه الذهنيه وربط المعلومه أو الرسوم بشي حسي دايم تشوفه علشان تتذكرها وقت الاختبار .

6- لاتكون فوضوي وتعد كم بقى لي من ورقه وأخلص وتحسب في الورق .! لااااااا .. أبدا بالترتيب وربك بيفرجها .

7- حافظ على الصلاه في وقتها ترى توفيقك من رضى ربي عليك ورضا والديك .

8- لاتكثر من الأكل الدسم والمنبهات ترى تتعبك كثير وتقلل أستياعبك .

،

**
تأخر الوقت وأنا بقى لي نص المنهج كيف أخلصه ؟

1- لاترتبك ربي بيسهلها وأهم شي لاحسيت نفسك معاد تستوعب نام شوي عالأقل ساعتين وأرجع ذاكر

2- لاتقول ذا فلان يقول مو مهم ولا أساله العام ماجاب فيها من هالمحاضره , ماعليك من أحد ذاكر كل شي تمر عليه .

3- لما تخلص المنهج قول * اللهم إني أستودعك ما قرأت و ما حفظت و ما تعلمت،
فرده عند حاجتي إليه، إنك على كل شيء قدير، حسبنا الله و نعم الوكيل..*

4- أهم شي أخلص النيه وحط ببالك أن مذاكرتك مؤجور عليها ترى هالشي يخفف عنك كثير * أنما الأعمال بالنيات ولكل أمرأ مانوى *

5- أهتم بقومه الفجر والمراجعه فيها لأن المخ يكون بأحسن حالاته [ اللهم بارك لأمتي في بكورها ]

6_ لاترسم ببالك فكره الفشل أو عدم حفظ معلومه معينه فالعقل مثل الطفل أوهمه بما تريد أنت فقط وتذكر أنت وحدك من يسيره فلا ترسل له تنبيهات سلبيه .!

**
كيف أدخل وقت الأختبار؟!

1- لاتشتت ذهنك في اللحظه الأخيره وتفتح المذكره بسرعه . أنتبه .! ترى بتشتت معلومات كثيره بداخلك

2- لاتنتبه وش يقول هذا ويقول ذاك خلك هادي وجمع أغراضك وتوكل على الله

3- قبل الدخول للقاعه ردد بداخلك [رب أدخلني مدخل صدق، و أخرجني مخرج صدق، واجعل لي من لدنك سلطانا نصيرا]
4- أجلس هادي وصافي الذهن وأكثر من الاستغفار .

**

جت ورقه الامتحان وش اسوي ؟!

1- أول شي أقرى المعوذات وأي دعاء ببالك [رب اشرح لي صدري، و يسر لي أمري, و احلل عقدة من لساني يفقه قولي، بسم الله الفتاح,
اللهم لا سهل إلا ما جعلته سهلا و أنت تجعل الحزن متى شئت سهلا]

2- أنتبه من الغش لأن بيجي يوم وبتندم عليه وتذكر أنك قدوه لعايلك وأخوانك فكيف بتنهاهم عن الغش وأنت تسويه .!

4- لاتقرى الأسئله جميعها أبدأ سؤال سؤال ولو يصعب عليك شي روح للي بعده وهكذا .

5- أذا نسيت شي خذ نفس عميق وأستغفر ربك وردد [اللهم يا جامع الناس ليوم لا ريب فيه اجمع علي ضالتي..]
6- خذ راحتك بالتفكير ولاتخاف الوقت بيكفيك وزياده وأهم شي أهتم من خطك ونظافه الورقه عشان لاتشتتك أنت قبل الي بيصحح لك .

7- أذا أنتهيت أشكر الله على مااعطاك ولاتتذمر وتحاول تسأل عن الاجابات عشان لاتأثر عليك بالاختبار اللي بعده .

**

،،

تجربه شخصيه .~

قبل فتره كان عندي امتحان وطفى النور .! من الساعه 11 الى 2 طفى النور , والمنهج كبير .!

ذاكرت اللي اقدر عليه وقبل لاأطلع قلت لأمي يمه توفيقي اليوم من ربي ومن دعواتك لاتحرميني من رضاك ودعاك يايمه .~

الحمدلله ربي فرجها وأنا ماذاكرت ومتفائله جداً بالنتيجه ألحين

خلاصه كلامي ،||

*تفائل دائماً ولا تطلع الا وانت مقبل راس أمك وطالب رضاها ودعواتها وأكثر من الاستغفار .

**

،
,
.

يمكن هالكلام مر علينا كثير كثير وكل سنه نسمعه بس التكرار يعلم الشطار ~

بس أنا أطمع بدعواتكم الصادقه فما أجمل الدعوات في ظهر الغيب ربي لايحرمني منها ولا يحرمكم منها .

اللهم وفقنا جميعا في اختبار الآخره قبل الدنيا

وأجعل لنا من كل هم مخرجا وأرزقنا رحمه تغنينا بها عن عبيدك .~

وفقكم الله
بتمنى يكون الموضوع عجبكم ونال رضاكم
الردوود لو سمحتو
(منقووول)
..^_^..

مشكورة أختي على الموضوع المفيد والجميل..
والله انك وضعت فكرة مميزة لاننا زي ما قلت نحن نشيل هم ايام الدراسة..
ووفقكك الله ورعاك في إمتحاناتك..

مشكورة أختي على الموضوع المميز وواصلي إبداعك...

magenta]]لا شكر على واجب
يسسلموو لمروركم بموضوعي
منورييييييين
..^_^..[/size]